Duncan Laurence, berne as Duncan de Moor (Spijkenisse, 11 april 1994), is in Nederlânsk sjonger en songwriter. Hy waard bekend fan syn meidwaan oan it fiifde seizoen fan it televyzjeprogramma The voice of Holland, dêr't er de heale finale helle.
Duncan Laurence wûn mei it nûmer "Arcade" foar Nederlân it Eurofisy Sjongfestival yn 2019.[1]
Ynhâld
- 1 Karriêre
- 1.1 Oplieding
- 1.2 The Voice of Holland
- 1.3 Eurofisy Sjongfestival
- 2 Prizen
- 3 Keppeling om utens
- 4 Boarnen, noaten en referinsjes
Karriêre[bewurkje seksje | boarne bewurkje]
Oplieding[bewurkje seksje | boarne bewurkje]
Yn 2012 helle de sjonger foar it earst it nijs mei it winnen fan it lokale Brielle’s got Talent. Al mei 13 jier skreau De Moor teksten foar syn band The Slick and Suited, mar ek foar oare artisten. The Slick and Suited is yn jannewaris 2013 ûntstien op de Rockakadeemje yn Tilburch, dêr't De Moor yn 2017 ôfstudearre.[2]]
The Voice of Holland[bewurkje seksje | boarne bewurkje]
De Moor die yn 2014 mei oan it fyfte seizoen fan The Voice of Holland en kaam yn it programma mei it nûmer Sing fan Ed Sheeran. Yn it team fan Ilse DeLange wist er de heale finale te heljen.[3]
Eurofisy Sjongfestival[bewurkje seksje | boarne bewurkje]
Op moandei 21 jannewaris 2019 waard bekend dat Duncan Laurence mei it nûmer Arcade troch Nederlân ôffurdige nei it Eurofisy Sjongfestival 2019 yn Tel Aviv, Israel. Duncan Laurence waard yn de heale finale al oertsjûgjend earste en mei in ferskil fan 27 punten wûn er op 18 maaie 2019 ek de finale fan it festival.[4]
Prizen[bewurkje seksje | boarne bewurkje]
| Jier | Priis | Kategory | Nûmer | Resultaat |
|---|---|---|---|---|
| 2019 | OUTmusic award | – | Arcade | Wûn |
| Marcel Bezençon Award | Press Award | Wûn | ||
| Eurofisysjongfestival | – | Wûn |
Keppeling om utens[bewurkje seksje | boarne bewurkje]
- Side Eurofisy Sjongfestival 2019
| Boarnen, noaten en/as referinsjes: |
|